car insurance quotes

 

महाराष्ट्र शासन, आदिवासी विकास विभाग

अनुसूचित जमातीच्या मुला-मुलींसाठी

शासकीय वसतिगृह योजना

अनुसूचित जमातीच्या मुला-मुलींना त्यांच्या गावाबाहेर राहून उच्च शिक्षण घेणे सुलभ व्हावे याकरीता विभागामार्फत विभागीय स्तर, जिल्हास्तर, तालुकास्तर आणि ग्रामीण स्तरावर शासकीय वसतिगृहे कार्यान्वित आहेत.

शासन निर्णय क्र. आवप्र-१२०४/प्र.क्र.५२/का-१२ दि. ०३.०८.२००४

शासन निर्णय क्र. - आवगृ-२०११/प्र.क्र. १७१/का-१२ दि. १०.०४.२०१३

सदर वसतिगृहामध्ये इ.८ वी पासून पुढील अभ्यासक्रमांसाठी प्रवेश देण्यात येतो:

प्रवेशित विद्यार्थ्यांस निवास, आहार, आवश्यक शैक्षणिक साहित्य इत्यादी सोयी सुविधा मोफत पुरविण्यात येतात.

योजनेंतर्गत अर्जाकरीता संकेतस्थळ http://swayam.mahaonline.gov.in

सद्यस्थितीत योजनेंतर्गत ४९५ शासकीय वसतिगृहे कार्यरत असून सन २०१९-२० मध्ये सुमारे ५४००० विद्यार्थी प्रवेशित होते.

शासकीय वसतिगृहातील विद्यार्थ्यांना वस्तु स्वरूपात मिळणारे लाभ तसेच आहार भत्ता रोख स्वरूपात लाभार्थ्यांच्या आधार संलग्न बँक खात्यात थेट जमा करण्याबाबत (DBT).

१) स्टेशनरी व निवासी साहित्यासाठी थेट लाभ:

            सर्व स्तरावरील शासकीय आदिवासी वसतिगृहातील विद्यार्थ्यांना सन २०१७-१८ या शैक्षणिक वर्षापासून सतरंजी, चादर, बेडशीट, उशी व उशी कव्हर, ब्लँकेट, वह्या व अभ्यासक्रमांसाठी आवश्यक इतर शैक्षणिक साहितर, क्रमिक पुस्तके / संदर्भ पुस्तके, छत्री या बाबी वस्तू स्वरूपात देण्याऐवजी त्याकरीता विद्यार्थ्यांच्या आधार क्रमांक संलग्नीत बँक खात्यामध्ये रोख रक्कम थेट जमा करण्याबाबत दि. ०६/०५/२०१७ रोजी शासन निर्णय निर्गमित करण्यात आला आहे.

शासन निर्णय क्र. आवगृ-२०१७/प्र.क्र.१८/का-१२ दि. ०६/०५/२०१७

उपरोक्त वस्तुंकरिता इयत्ता निहाय / अभ्यासक्रम निहाय देण्यात येणारी रक्कम

इयत्ता	रक्कम (रुपयात)
८ वी ते १० वी	३,२००
११ वी ते १२ वी व पदविका अभ्यासक्रम	४,000
पदवी अभ्यासक्रम (जसे कला/वाणिज्य/विज्ञान/कायदा/कृषी इ.)	४,५00
वैद्यकीय व अभियांत्रिकी अभ्यासक्रम	६,000

                                                                    

२) निर्वाह भत्ता

शासकीय वसतिगृहात प्रवेशित विद्यार्थ्यांना देण्यात येणारा निर्वाह भत्ता-

वसतिगृहाचा प्रकार	निर्वाह भत्ता (रुपयात)
विभागीय स्तर	८००
जिल्हा स्तर	६००
तालुका/ग्रामीण स्तर	४00

 

३) भोजन भत्ता

            महानगरपालिका, विभागीय व जिल्हा स्तरावरील शासकीय वसतिगृहात प्रवेशित विद्यार्थ्यांना आहाराकरिता आवश्यक रक्कम आधार क्रमांक संलग्नीत बँक खात्यामध्ये थेट जमा करण्याबाबत दि.०५/0४/२०१८ रोजी शासन निर्णय निर्गमित करण्यात आला आहे. योजनेंतर्गत १२० वसतिगृहातील सुमारे २१००० विद्यार्थ्यांना लाभ देण्यात येतो.

शासन निर्णय क्र. आवगृ-२०१८/प्र.क्र.१२/का-१२, दि. ०५.०४.२०१८ वसतिगृहनिहाय आहाराकरिता निश्चित केलेली रक्कम -

अ.क्र.	वसतिगृह स्तर / दर्जा	मासिक रक्कम रुपये
1	अ, ब व क वर्ग महानगरपालिका विभागीय शहरातील वसतीगृहे	३,५00
2	जिल्हास्तरावरील सर्व वसतीगृहे	३,000